Blaksamband Íslands

Forsíða » Norðurlandamót undir 17 ára og undir 19 ára 2007

Undanfarin ár hefur verið valinn hópur krakka á aldrinum 13-16 ára til að taka þátt í hæfileikabúðum BLÍ. Búðirnar hafa verið nýttar að hluta til að efla áhuga á blakíþróttinni og að hluta sem undirbúningur og forval fyrir þátttöku í unglingalandsliðum Íslands í blaki.
BLÍ sendi í fyrra þrjú lið á Norðurlandamót unglingalandsliða, U-17 kvenna og karla til Falköping í Svíþjóð en U19 stúlkna fór til Ikast í Danmörku.  Í ár fara fjögur unglingalandslið á Norðurlandamót.  U19 hópurinn fer til Noregs í kringum 20. september en U17 ára liðin fara til Finnlands í kringum 6. september.

* Unglingar fæddir 1993-1990 (hugsað fyrir U -17 landsliðið 2007 - við fáum undanþágu fyrir leikmenn fædda 1990)
* Unglingar fæddir 1989-1987 (hugsað fyrir U-19 landsliðin árið 2007.

Í sumar fer fram lokaval fyrir U-17 Norðurlandamótið í Svíþjóð. Haldnar verða í það minnsta 3 – 4 æfingabúðir á tímabilinu júlí til september í sumar til undirbúnings ferðarinnar.

Þjálfarar unglingalandsliðanna

Stjórn BLÍ hefur ákveðið að leita enn á ný til Magnúsar Aðalsteinssonar þjálfara VBK Tromsö og færeysku A-landsliðanna.  Magnús mun þjálfa stúlknalandsliðin U17 og U19.  Marek Bernat, landsliðsþjálfari kvennalandsliðsins og aðalþjálfari KA á Akureyri hefur verið ráðinn þjálfari U17 og U19 drengja í sumar.  Hann mun stýra æfingum ásamt aðstoðarfólki BLÍ.  Emil Gunnarsson, Viðar Gylfason og Fríða Sigurðardóttir munu vera til aðstoðar í sumar við æfingar unglingalandsliðanna en unglingalandsliðsnefndin sér um að vel sé hugsað um krakkana þess á milli.  Formaður hennar er Ásta Sigrún Gylfadóttir, astasg@simnet.is .