Þjálfararáðstefna BLÍ í Mosfellsbæ.
Helgina 3.-5. september 2010 verður haldin þjálfararáðstefna BLÍ að Varmá í Mosfellsbæ. Þar verður farið í þjálfun frá 0 stigi í krakkablaki til meistaraflokks á einni helgi. Samhliða ráðstefnunni verða Afreksbúðir í blaki fyrir krakka fædda 1994-1997.
Í heimsókn kemur Peter Guernari frá Englandi en hann hefur öll tilskilin þjálfararéttindi til að halda námskeið í blaki og gríðarlega reynslu sem þjálfari, bæði karla og kvenna. Að auki hefur hann þjálfararéttindi í sitjandi blaki fyrir fatlaða en sú íþrótt verður kynnt í fyrsta sinn á Íslandi á ráðstefnunni.
Ásta Sigrún Gylfadóttir verður með námskeið í þjálfun á krakkablaki þessa helgi. Ásta Sigrún hefur sérfræðigráðu frá BLÍ í Krakkablaki og hefur mikla reynslu sem þjálfari hjá HK.
Skráningu þátttakenda þarf að skila til BLÍ, á Sævar Má Guðmundsson, framkvæmdastjóra bli@bli.is. Skráningarfrestur er til 1. september en dagskrána og verð má sjá í auglýsingu hér fyrir neðan.
