Skráning í Fantamótið í fullum gangi
Skráning er í fullum gangi í Fantamótið í strandblaki sem fram fer vikuna 11. - 15. ágúst í Fagralundi í Kópavogi en það er lokamót sumarsins. Sigurvegarar mótsins verða krýndir Íslandsmeistarar.
Að þessu sinni verður keppt í 3 flokkum, A-flokki, B-flokki og svo unglingaflokki.
8 stigahæstu lið sumarsins keppa til úrslita á laugardeginum 14. ágúst og eru það lið sem flokkast í A-flokk.
Miðvikudagskvöldið 11. og fram að föstudagskvöldinu 13. ágúst verður keppt í B-flokki, en úrslitaleikirnir úr B-flokki verða einnig spilaðir á laugardegi.
Unglingaflokkurinn verður allur spilaður á sunnudeginum 15. ágúst en engin stig þarf til að geta keppt í unglingaflokki, eingöngu að uppfylla skilyrði um réttan aldur.
Skráningu lýkur sunnudaginn 8. ágúst kl 23:59
Athugið að allir geta tekið þátt í Íslandsmótinu, það fer bara eftir stigafjölda hvort liðið lendir í A- eða B-flokki.
Nánari upplýsingar og skráning er á www.strandblak.is
