Lið Birtu Björnsdóttur í 2. sæti í NEVZA keppninni
Almennt - mánudagur 30.jan.12 10:07 - Lestrar 149
Æsispennandi móti í NEVZA keppni félagsliða í kvennaflokki lauk í gær. Oslo Volley vann mótið og varð Norðurlandameistari félagsliða. Stod Volley, lið Birtu Björnsdóttur varð í öðru öðru sæti.
Oslo Volley byrjaði mótið á tapi gegn Holte IF frá Danmörku 3-2 en á laugardag vann liðið Stod Volley 3-1. Í gær gjörsigraði Oslo Volley svo danska liðið Bröndby og tryggði sér þannig Norðurlandameistaratitilinn.
Stod Volley vann bæði Holte IF og Bröndby í mótinu og endaði með 5 stig líkt og Oslo Volley en þær vinna á betra hrinuhlutfalli.
Holte IF endaði í þriðja sætinu í NEVZA keppninni og Bröndby í því fjórða.
Blaksamband Íslands óskar Birtu Björnsdóttur og félögum hennar í Stod Volley til hamingju með árangurinn.
