Leifur dæmir grannaslag
Almennt - föstudagur 7.maí.10 13:54 - Lestrar 714
Um helgina hefst fyrsta umferð í Evrópkeppni landsliða. Frændur okkar danir spila með sín bæði lið á morgun laugardag. Konurnar leika gegn grönnum sínum frá Svíþjóð og karlarnir við Króata.
Leifur Harðarson, alþjóðadómari í blaki var skipaður aðstoðardómari á leik Danmerkur og Svíþjóðar í kvennaflokki. Leifur hélt af landi brott í morgun og dæmir leikinn á morgun sem hefst kl. 17.00 á staðartíma. Eftir þann leik verður leikur Danmerkur og Króatíu en báðir þessir leikir fara fram í Gentofte í Kaupmannahöfn.
Eflaust verður um hörkuleiki að ræða á morgun en þetta er fyrri leikur liðanna í keppninni. Það lið sem hefur betur samanlagt úr báðum leikjum fer áfram í riðlakeppnina. Bein útsending frá leikjunum verður á www.volleyball.dk
