Blaksamband Íslands

Tveir leikir fóru fram í Mikasadeildinni í blaki í dag. KA menn unnu sinn fyrsta sigur í deildinni á slöppum Þrótturum og Afturelding gerði góða ferð í Neskaupstað.

KA vann Þrótt Reykjavík nokkuð örugglega 3-0 í dag fyrir norðan. Hrinurnar fóru 25-22, 25-21 og 25-16. Piotr Kempisty fór fyrir sínum mönnum og skoraði ein 30 stig í leiknum. Davíð Búi Halldórsson og Valur Traustason hafa dregið fram skóna að nýju og skoruðu þeir báðir 6 stig í leiknum. Í liði Þróttar var Fannar Grétarsson stigahæstur með 10 stig í nýr leikmaður hjá Þrótti, Andris Orlovs skoraði 8 stig.

KA menn því komnir á blað í Mikasadeild karla og hafa nú þrjú stig á botni deildarinnar.

Í Neskaupstað vann Afturelding góðan útisigur á Þrótti Nes, 3-0. Hrinurnar fóru 25-18, 25-13 og 25-23. Stigahæstu leikmenn í Þrótti Nes voru Helena Kristín Gunnarsdóttir með 12 stig og Hulda Elma Eysteinsdóttir með 8 stig. Velina Apostolova skoraði mest fyrir Aftureldingu 12 stig, þá voru Miglena Apostolova og Zaharina Filipova báðar með 10 stig í leiknum. Afturelding styrkti stöðu sína í 2. sæti deildarinnar með 18 stig.