Blaksamband Íslands

Undankeppni 2 í Bridgestonebikarnum lauk í dag á Akureyri. Fyrir lá að tvö efstu sætin í keppninni gæfu sæti í undanúrslitum en í fyrri keppninni höfðu tvö lið í hvorum flokki tryggt sig í undanúrslit.

 

Í karlaflokki voru það heimamenn í KA sem tryggðu sér sæti með því að vinna alla sína leiki og tapa ekki hrinu í mótinu. Í öðru sæti var lið HK sem tapaði einungis einum leik, einmitt gegn KA. Þessi lið fara því í pott og verða dregin annað hvort gegn Þrótti R eða Stjörnunni.

Í kvennaflokki var ekki síðri keppni en toppliðið í Mikasadeildinni, HK sem tapaði ekki hrinu í mótinu og fer því áfram í undanúrslit. Með þeim fylgir lið Fylkis sem tapaði aðeins leiknum gegn HK en vann oddahrinu gegn Þrótti Reykjavík og Álftanesi. HK og Fylkir fara í pott þar sem þau verða dregin gegn KA eða Þrótti Nes.

Í næstu viku verður dregið í undanúrslitin í Bridgestonebikarnum. Ekki er búið að negla tímasetninguna ennþá en verður auglýst hér á síðunni um leið og það er klárt. Undanúrslitin verða leikin í Laugardalshöllinni laugardaginn 13. mars og úrslitin verða sunnudaginn 14. mars. Endilega, takið þessa helgi frá vegna þessarar árlegur blakveislu.

Öll úrslit má finna á www.blak.is